შემამსუბუქებელი გარემოებების არ არსებობის გამო, სასამართლო პროცესი პროკურორის მოთხოვნის შესაბამისად დასრულდა

თბილისის სამოქალაქო სასამართლოს შენობის პირველ სართულზე ხალხმრავლობა 13 საათიდან დაიწყო. სასამართლო პროცესი, რომელზეც ორი ახალგაზრდის ბრალეულობის საკითხი უნდა განხილულიყო, მოსამართლის მიზეზით, ერთი საათის დაგვიანებით, 14 საათზე განახლდა. ეჭვმიტანილების სასამართლო დარბაზში შემოყვანას ხმაური მოჰყვა, მათ ახლობლებთან გასაუბრება სცადეს, რაც ბადრაგმა რამდენიმე წუთში აღკვეთა და წინააღმდეგობის მიუხედავად, ეჭვმიტანილები მათთვის განკუთვნილ კაბინაში განთავსდნენ. მაშინ, როცა მოსამართლე ბადრი კოჭლამაზაშვილი სასამართლო დარბაზში შემოვიდა, სიტუაცია უკვე დაწყნარებული იყო. 30 წლის შალვა ნათიშვილს, რომელსაც პოლიციელის მკვლელობისთვის 8 წლიანი სასჯელი უკვე მოხდილი ჰქონდა და მხოლოდ 1 წლის წინ განთავისუფლდა, ამჯერად ბრალად ედებოდა ნარკოტიკის მოხმარება და გამოძიებისთვის მცდარი ინფორმაციის მიწოდება. მასთან ერთად, სასამართლოს საბოლოო გადაწყვეტილებას ელოდა ასევე 32 წლის მიხელ ჯანიძეც, რომელსაც ბრალად ედებოდა ნარკოტიკის გასაღება-მოხმარება და ცივი იარაღის უკანონოდ ტარება. სახელმწიფო მბრალდებელმა საქმეში არსებულ დამამძიმებელ გარემოებებზე ისაუბრა. მისი თქმით ეჭვმიტანილ ჯანიძის საცხოვრებელი სახლიდან ამოღებულ იქნა დიდი ოდენობით ჰეროინი, ე.წ. ინსულინის ნემსები, თანხა 25 000 ამერიკული დოლარი, რომელიც არ შეიძლება მის ოჯახს ჰქონოდა, შემოსავლის გათვალისწინებით, ხოლო დაკავებისას იგი იყო ნარკოტიკების ზემოქმედების ქვეშ და თან ჰქონდა ცივი იარაღი. Mბრალმდებელის განცხადებით ეს ყველა არგუმენტი საკმარისი იყო იმისათვის, რომ დამკიცებულიყო ყველა ის ბრალდება, რაც ეჭვმიტანლს ჰქონდა წაყენებული და 11 წლით თავისუფლების აღკვეთას მოითხოვდა. Pპროკურორის სიტყვას, განსასჯელის ნათესავების მხრიდან უკმაყოფილება მოჰყვა, რაც უცენზურო წამოძახილებით გამოიხატა. თუმცა, მოსამართლის მიერ კატეგორიული შენიშვნის მიცემის შემდგეგ, მსგავი ფაქტი პროცესის მიმდინარეობისას აღარ გამეორებულა. ჯანიძის საქმეს კიდევ უფრო ამძიმებდა ის ფაქტი, რომ მეორე განსასჯელი ნათიშვილი, დაკავების შემდეგ დაკითხვისას მას ნარკოტიკების გამსაღებლად ასახელებდა. თუმცა, სასამართლო მოგვიანებით ნათიშვილმა ჩვენება შეცვალა და განაცხადა, რომ წინა ჩვენება სამართალდამცველების მხრიდან ზეწოლის შემდეგ მისცა, რაც მის მიმართ კიდევ ერთი ბრალდების წაყენებით დასრულდა. თავად ჯანიძე ნარკოტიკის მოხმარების ფაქტს ადასტურებდა, თუმცა, დანარჩენ ბრალდებას კატეგორიულად უარყოფდა და სამართალდამცველებს ნარკოტიკების სპეციალურად ,,ჩადებაში” ადანაშაულებდა. ეჭვმიტანილის ადვოკატმა კი ერთადერთ შემამსუბუქებელ გარემოებად ის ფაქტი დაასახელა, რომ ჯანიძე აქტიურად მონაწილეობდა 2008 წლის აგვისტოში, რუსეთ-საქართველოს ომში და გამოჩენილი სიმამაცისთვის ჯილდოც ჰქონდა მიღებული. ამ მიზეზით ადვოკატი პატიმრობის ვადის 7 წლამდე განსაზღვრას მოითხოვდა. რაც შეეხება ეჭვმიტანილ ნათიშვილს. მისი საქმის განხილვა სულ რამდენიმე წუთში დასრულდა. პროკურორმა, დამამძიმებელ გარემოებად მხოლოდ წინა პატიმრობა, ანუ პოლიციელის მკვლელობისთვის ნასამართლეობა და დაკავების დროს ნარკოტიკების ზემოქმედების ქვეშ ყოფნა დაასახელა. ბრალმდებელი ეჭვმიტანილის კვლავ 8 წლით დაპატიმრებას მოითხოვდა. როგორ შემდეგ გაირკვა, ნარკოტიკების მოხმარებას არც თავად განსასჯელი უარყოფდა. Aადვოკატმა კი შემამსუბუქებელ გარემოებად მხოლოდ ის დაასახელა, რომ წინა პატიმრობის წლებში ნათიშვილი დადებითი ყოფაქცევით გამოირჩეოდა და 8 წლის მანძილზე მისი მხრიდან არ იყო ჩადენილი საქციელი, რომელიც მისი სასჯელის დასამძიმებლად გამოდგებოდა. ადვოკატის თქმით ეს არგუმენტი შეიძლებოდა საკმარისი ყოფილიყო იმისათვის რომ განსასჯელის პატიმრობა მხოლოდ 5 წლით განსაზღრულიყო. განსასჯელებმა სიტყვის წარმოთქმაზე უარი განაცხადეს და მოსამართლემ რამდენიმე წუთში განაჩენიც გამოაცხადა. Mმან არ გაითვალისწინა ადვოკატების მიერ წარდგენილი არგუმენტები. Pპროკურორის მოთხოვნა სრულად დაკმაყოფილდა. შალვა ნათიშვილს 8 წლით, მიხეილ ჯანიძეს კი 11 წლით თავისუფლების აღკვეთა მიესაჯათ. როგორც გამოძიების მასალებიდან ირკვევა, ნათიშვილისა და ჯანიძის ნაცნობობა მათ დაკავებამდე (9 თებერვლი), 3 თვით ადრე დაიწყო. პოლიციისთვის ცნობილი იყო, რომ ჯანიძე ნარკოტიკების გამსაღებელი იყო, რამდენიმე კვირიანი მუშაობის შემდეგ, სწორედ 9 თებერვალს, თბილისის ერთ-ერთ ქუჩაზე ჩატარდა მცირე მასშტაბის სპეცოპერაცია და ნარკოტიკის გასაღების ფაქტზე დააკავეს ჯანიძე, ამ დროს მასთან ერთად სწორედ შალვა ნათიშვილი იმყოფებოდა რომელსაც არ უცდია შეძენილი ნარკოტიკის დამალვა. დაკავების დროს ორივე ნარკოტიკების ზემოქმედების ქვეშ იმყოფებოდნენ. სასამართლო პროცესის დასრულების შემდეგ, მიხელ ჯანიძის მშობლები უკმაყოფებას გამოხატავდნენ როგორც მოსამართლის, ისე საკუთარი ადვოკატის მიმართ. მათი თქმით, ისინი აპირებენ რომ აიყვანონ ახალი ადვოკატი და საქმეს გაასაჩივრებენ შემდეგ ინსტაციაში. რაც შეეხება ნათიშვილს, მისმა ნათესავებმა სასამართლო უკომენტაროდ დატოვეს. ადვოკატის განცხადებით კი განაჩენის გასაჩივრება არ მოხდება.

თათია დვალიშვილი

გზა წარმატებისკენ—სტუდენტობა, ჟურნალისტობა და მეგობრობა

პორტრეტი


19 წლის სტუდენტის, თიკო ნერგაძის კონსერვატიული ჩაცმულობა და დაძაბული დღის რეჟიმი უკვე დიდი ხანია არავის უკვირს. ჩასანიშნი წიგნაკი, კალამი და დიქტოფონი ის ნივთებია, რომლებიც ყოველთვის დევს მის ჩანთაში. ისევე როგორც ყველა სტუდენტი, თიკო ყოველ დილით ცდილობს არ დააგვიანოს ლექციებზე, ყურადღებით უსმენს ლექტორს, ინიშნავს დავალებებს და თითქოს არაფრით გამოირჩევა სხვა სტუდენტებისგან, თუმცა, მისი მეგობრებისგან განსხვავებული დღის რეჟიმი სწორედ ლექციების დასრულების შემდეგ იწყება.
რადიო “აფხაზეთის ხმა” ის ადგილია სადაც თიკო თავისი შემოქმედების თუ მომავალი პროფესიის რეალიზაციას ახდენს. Lლექციების შემდეგ იწყება ინტერვიუები პოლიტიკოსებთან, მოვლენის ეპიცენტრში ყოფნა, რომელიც საბოლოოდ რეპორტაჟის თუ ახალი ამბების მომზადებით მთავრდება. “ თიკო იმ გუნდის წევრია, რომელსაც რადიო “აფხაზეთის ხმა” აერთიანებს, შრომისუნარიანობა, მიზანდასახულობა და რაც მთავარია ნიჭიერება თიკოს დამახასიეთებელი თვისებებია”, -- ამბობს მისი თანამშრომელი ირაკლი ქილიფთარი.
თ.დ_ირაკლი, დილით როცა ხდება გადანაწილება იმ თემების, რომლებიც დღის განმავლობაში უნდა გაშუქდეს, რა ჟანრის თემები ხვდება ხოლმე თიკოს?
ი.ქ._ჩვენი პროდუსერი, თითოეულ ჩვენგანს ოჯახის წევრებივით გვიცნობს, მან იცის ვინ რომელ ჟანრში რა დონეზე ვართ, თიკო ძირითადად პოლიტიკურ რეპორტაჟებს თუ ახალ ამბებს წერს, შემიძლია გითხრა, რომ მას ეს ნამდვილად კარგად გამოსდის.
თ.დ—უწყობს თუ არა სამსახური ხელს თიკოს დროის გადანაწილებაში, როგორც იცი ის სტუდენტია?
ი.ქ.—სამსახური განსაკუთრებულ ხელშეწყობას ამ მხრივ ალბათ ვერ მოახერხებს, თუმცა თიკო თავად ახერხებს ისე, რომ პრობლემა არ შეუქმნას რადიოს და როგორც ვიცი პრობლემები არც უნივერსიტეტში აქვს.
თიკოს, მისი Yყველა ახლობელი უპრობლემო ადამიანად ახასიათებს. Bსაბურთალოზე, ერთი ჩვეულებრივი თბილისური კორპუსის ბოლო სართულზე, მისი ბინა თითქოს არაფრით არის გამორჩეული, თუმცა როგორც კი მის საკუთარ ოთახში შეხვალ, მაშინვე დარწმუნდები, რომ ეს არ არის უბრალო სტუდენტი გოგოს ოთახი... ლამაზ, მოცისფრო კელდებზე გაკრულია სურათები. საწერ მაგიდაზე კომპიუტერი დგას, მის ზემოთ კი თაროებია განლაგებული. ამ თაროებში შეწყობილი წიგნებს, თიკო განსაკუთრებულად დიდ დროს უთმობს. ამბობს, რომ წიგნი მისი საუკეთესო მეგობარია. გამორჩეულად უყვარს გურამ დოჩანაშვილის “სამოსელი პირველი” ჭაბუა ამირეჯიბის “დათა თუთაშხია” რემარკის “ტრიუმფალური თაღი” და მორ იოკაის “ოქრო კაცი”. სადაც კომპიუტერის გარდა მრვალი საინეტერსესო ნივთი დევს-- … სანიშნი პატარა ფერადი ფურცლები, მარკერები, გაზეთების არქივი სადაც მას უხვად აქვს მონიშნული მისთვის საინეტერესო სტატიები.
თ.დ_თიკო, შენი ცხოვრება არ არის უბრალო სტუდენტის ცხოვრება, მუდმივად დაძაბული რეჟიმი ხომ არ აისახა შენს სამეგობრო წრეზე, ახერხებ მეგობრებისთვის დროის დათმმობას?
თ.ნ_ვფიქრობ, რომ მე არ ვარ ვინმეზე განსაკუთრებული ან რამით მეტი. ჩემი დღის რეჟიმი საკმაოდ დაძაბულია, თუმცა მეგობრებთან ურთიერთობაში ამას სულაც არ შეუშლია ხელი. მთავარია დრო სწორად გაანაწილო და აუცილებლად ყველაფერს მოასწრებ. მე მყავს ძალიან საყვარელი და ძვირფასი მეგობრები, რომლებმაც იციან ჩემი დატვირთული დღის რეჟიმი, ცდილობენ ხელი შემიწყონ და თავისუფალ დროს მსტუმრობენ.
ნინო ილურიძე თიკოს სწორედ ის ერთ-ერთი მეგობარია, რომელიც თავისუფალ დროს სტუმრობს სახლში.. “მუდმივი მონატრების გრძნობა, ამ ერთი წინადადებით შემიძლია ჩემი მდგომარეობა გამოვხატო თიკოს მიმართ”_ამბობს ნინო.
თ.დ._ ნინო, რამდენადაც ვიცი თიკოს კლასელი და ამავდროულად ერთ_ერთი საუკეთესო მეგობარი ხარ, შეგიძლია მესაუბრო თიკოს რომელიმე თვისებაზე, რომელიც მხოლოდ ვიწრო წრისთვის არის ცნობილი, რომელიც არ იციან მისმა უბრალო ნაცნობებმა?
ნ.ი._ რა თქმა უნდა თიკოს აქვს ისეთი თვისებებიც, მხოლოდ ჩვენ რომ ვიცით, შემიძლია გითხრა, რომ ის არის საოცრად ჯიუტი და ფიცხი ხასიათის პატრონი, თავის კონტროლი არასდროს უჭირს, მაგრამ ხანდხან უმნიშვნელო ფაქტზე ფიცხდება, თუმცა ხშირად მის ამ საქციელს მის დაღლილობას და დაძაბული დღის რეჟიმს ვაწერთ. ალბათ უარყოფითი თვისება ჩემთვის ეს არის, სხვას ვერ ვიხსენებ. ის არის უზომოდ მეგობრული, დამხმარე, მისი რჩევა ჩემთვის ყველაფერს ნიშნავს და ამიტომ ძალიან ხშირად ვეკითხები მას აზრს და უმეტეს წილად ვისვალისწინებ კიდეც. “მისი აკადემიური ჩაცმულობა, მკაცრი სტილი ხშირად ატყუებს ხოლმე ადამიანებს თიკოს გაცნობისას, თუმცა ის ჩვენთან სრულიად სხვაგვარია. მხიარული, აქვს სასაცილო ისტორიების მოყოლის საოცარი მანერა რაც ჩვენ ძალიან გვახალისებს”_ამბობს მისი ასევე ბავშვობის მეგობარი გვანცა ქურდაძე.
თიკოს შესახებ საკმაოდ ბევრის თქმა შეუძლიათ მის მეზობლებსაც. უზომოდ კონტაქტური, კეთილი, დამხმარე საყვარელი ადამიანების მიმართ, ხალასით სავესე _ ეს ის თვისებებია, რომლებიც მეზობლებს უყვართ თიკოში ყველაზე მეტად. “თიკო ჩვენი გაზრდილია, ვუყურებდით როგორ ყალიბდებოდა ის.. მიუხედავად მისი ასაკისა ის უკვე წარმატებულია ჩვენთვის..სამი წელია უკვე რაც ვხედავთ მისი დღის რეჟიმს და გვეამაყება”_ თქვა ჩემთან საუბარში თიკოს კარის მეზობელმა.
K ყველა ადამიანი ვინც თიკოს მეგობარი თუ ახლობელია, ახასიეთებს მას დადებით, უზმოდ კეთილ და კომუნიკაბელურ ადამიანად, როგორც თიკოს დედისგან შევიტყე, მას გააჩნია უზმოდ დიდი პასუხისმგებლობის გრძნობა, მომხდარა ისეც რომ დრო არ ჰქონია სტატიის, რეპორტაჟის მოსამზადებლად და ამის გამო არა ერთი ღამე გაუთენებია კომპიუტერთან. ”ეს ყველაფერი ჩემთვის არც უცხო და არც გასაკვირია, თიკოს ბავშვობიდან უნდოდა ჟურნალისტი ყოფილიყო და მას შემდეგ ყველანაირად ცდილობს დასახულ მიზანს მიაღწიოს”- ამბობს თიკოს დედა კალბატონი ნანა ლილუაშვილი.
თიკო ნეგაძეზე საუბარს დავასრულებ ერთი ახალი ამბით, რომელიც ჯერ კიდევ შესაძლოა მისმა მეგობრებმაც კი არ იციან, სულ მალე გაზეთ “ვერსიაში” მისი სტატიები გამოჩნდება, როგორც თვითონ თიკო ამბობს, ის ალბათ ორ სამსახურს ფიზიკურად ვერ გაუძღვება და ამიტომ რადიო “აფხაზეთის ხმის” დატოვება მოუწვს.

ეს უბრალოდ (ჩანახატი)..

ყველაზე პატარა რუქაზე, მინიატურა ქვეყანა მინიაუტურა ხალხით..პატარა სოფლებით, რეგიონებით დაბებით.. ეს საქართველოა…..უცნაური, სტუმართმოყვარე მაცხოვრებლებით, დიდი გულით და ნაკლები შესაძლებლობებით, სპეციფიკური ადათ-წესებით, შიზოფრენიაში გადასული ემოციებით, ეს ქართველი ხალხია..
ვიწრო ქუჩები, წვიმისგან შექმნილი ნიაღვრები, მუდმივი საცობი, მანქანების, ყვითელი ავტობუსების სიგნალი, გზაზე გადამავალი დაბნეული ხალხი …”ვაიმე დაგვარტყა” “წინ იქნებ გაიხედო” ..მძღოლების სასაცილო უწმაწური კომენტარები “ სად იზრდები” “ღირსი არ ხარ დაგარტყა”, ერთ ქუჩაზე მოქცეული მჭიდროდ განლაგებული მაღაზები ერთმანეთის მიყოლებით “სურსათი:” “1000 წვრილმანი” “ცხელი შოთი” “ვულე-ვუ”)) ერთი ორი “ლამაზი” კაფე, სადაც მუდამ უამრავი ხალხია საღამოს საათებში..”სადმე დავჯდეს მოტივით” საოცარი კორპუსებით “გაფერადებული” გალამაზების იმედით...ბოლო დროს განსაკუთრებულად მომრავლებული მოდური მანქანებით რომელზეც ზის ადამიანი რომელიც საეთოდ არ ჩანს)) ან ზის ადამიანი რომელსაც შუა იანვარში ჩაწეული მინები, ბოლო ხმაზე აწეული ეხლა უკვე ძირითადად ჯექსონის სიმღერები აქვს და ძალიან ამაყად “მიჰქრის”, გამვლელების დაცინვა, მაგრამ ხშირ შემთხვევაში მაინც სიამოვნებით გაყოლებული თვალები)) “აუ ეს უნდა იჯდეს მანქანაზე და მე ფეხით დავდიოდე” –კომენტარი)) ან ესე “ გოგონა უფასო ტაქსი არ გნებავთ? წაგიყვანთ”…ერთი პოპულარული მომღერლის ვიზიტი, საღამოს “ივენთი” შოკირებული ხალხი, რომელთაც ძალიან სურთ ცხოვრებაში ერთხელ მაინც ნახონ “ტიმოტი” “ზემფირა”..ზოგი ხვდება ელიტურ წრეში ზოგიც ვერა)) ხოლო ვისაც “ჰაუსები” მოწონს მას შედარებით უმართლებს.. სამ თუ ოთხ ღამის კლუბში რომელიც ჩვენ გაგვაჩნია, ხშირად ჩამოდიან “დიჯეები”, იქ შედარებით იაფად გამოდიან ან ნაცნობობით “პლიუსებს” იწერენ) პატიჯებენ გოგოებს რომელთაც აუცილებლად მოყვება მინიმუმ სამი დაქალი, აბა მარტო ხომ არ წავლენ, ან დედას ხომ უნდა უთხრან რომ ვინმესთან რჩებიან))
ცენტრალურ ქუჩებში “შადრევნებით” ახალი წლის პერიოდში განათებული ბრებით, ჭაღებით რომელსაც იპარავენ:) და ბილბორდებით სხვადასხვა რეკლამებით “განათებული ქალაქი” “ ქალაქი უშუქობის გარეშე”..ასე თუ ისე წიდილი და შემართება ქალაქის გალამაზების ვისაც როგორ შეგვიძლია) თითქმის არავინ არის კმაყოფილი ამ ქალაქში ცხოვრებით, ყველას უნდა წასვლა სად არ აქვს მნიშვნელობა, მთავარია აქედან შორის...მაგრამ ბევრი ნაკლის, დისკომფორტის, გაჭირვების მიუხედავად აქ რაგაცნაირი სიფუსფუსეა, სითბოა, სხვანაირი შენებური სუნია, შენი კუთხეა, თვალდახუჭული მიაგნებ ნებისმერ ქუჩას თუ მაღაზიას.. პატარააა,ბევრი ნაცნობებით.. მტკვრის მარცხენა და მარჯვენა სანაპიროებით, ზოგჯერ ზედმეტად მომაბეზრებელი ცხოვრების ტემპით, მაგრამ მაინც ჩემია! შენია! ჩვენია!- ეს თბილისია!! ჩემი თბილისი!!!

ექიმის მიზეზით პაციენტის გარდაცვალების კიდევ ერთი შემთხვევა საქართველოში

ანალიზური სტატია

ექიმების არაპროფესიონალიზმი თუ გარდაცვილილი პაციენტების ახლო ნათესავების უსაფუძვლო ბრალდებები-ამ საკითხებზე ბოლო დროს, ხშირად საუბრობს ქართული მედია. ერთი შეხედვით მარტივი, ე.წ. “გლანდების ოპერაცია” პაციენტის მსხვერპლით დასრულდა. ქალაქ ხაშურის მკვიდრი, 29 წლის ნანა ისიანი ექიმის არაპროფესიონალიზმს შეეწირა. 25 ნოემბერს ხაშურის საავადმყოფოში ექიმმა ნინო ჯობაძემ პაციენტს გაუკეთა გლანდების ოპერაცია, რომელიც ნახევარი საათის განმავლობაში მიმდინარეობდა. პალატაში გადაყვანის შემდეგ პაციენტი სამ საათში გარდაიცვალა. გარდაცვლილის ახლო ნათესავები ერთმნიშვნელოვნად ექიმს ადანაშაულებდნენ.
შიდა ქართლის საოლქო პროკურატურამ 2 დეკემბერს, მას შემდეგ რაც სასამართლო-სამედიცინო ექსპერტიზის საბოლოო პასუხი ცნობილი გახდა დააკავა ექიმი ნინო ჯობაძე. ექსპერტიზის პასუხის მიხედვით, ოპერაციის დროს დაზიანებულია კისრის სისხლძარღვები და შესაბამისად საქმე აღიძრა გაუფრთხილებლობით სიცოცხლის მოსპობის მუხლით, რაც 4 წლამდე თავისუფლების აღკვეთას ითვალისწინებს. Dდაკავებამდე, ექიმი ბრალეულობას უარყოფდა და აცხადებდა, რომ პაციენტი გულით ავადმყოფი იყო და შესაძლოა გარდაცვალების მიზეზი ინფაქტი გამხდარიყო, გულით ავადმყოფობას გარდაცვლილის ახლობლებიც ადასტურებენ, თუმცა ექსპერტიზამ ექიმის ბრალეულობა დაადგინა. ,,ოპერაციის ჩატარებამდე ექიმმა პაციენტ ნ.სიდიანს გაუკეთა მხოლოდ სისიხლის საერთო ანალიზი. ექიმმა არ გაითვალისწინა ,,კოალოგრამის” პასუხი და არ გააკეთა შარდის საერთო ანალიზი და კარდიოგრამა, რაც მას ევალებოდა საავადმყოფოს სამედიცინო სტანდარტის შესაბამისად. მიუხედავად იმისა, რომ ოპერაციის მსვლელბისას ავადმყოფი რამდეჯერმე ცუდად გახდა, ექიმმა მაინც გააგრძელა ოპერაცია. საერთო ჯამში, ავადმყოფს დაეწყო მწვავე სისხლდენა და გარდაიცვალა” – ნათქვამია გენერალური პროკურატურის განცხადებაში. Fნანა ისიანის გარდაცვალებიდან რამდენიმე წუთში დაიწყო გამოძიება, ჩატარდა სასამართლო-სამედიცინო ექსპერტიზა, დანიშნულია ასევე ბიოლოგიური და ქიმიური ექსპერტიზები იმის დასადგენად, თუ რა სახის და რაოდენობის მედიკამენტი გამოიყენა ექიმმა ოპერაციის დროს, რა ჯგუფის და რეზუსის სისხლი გადაესხა ავადმყოფ ნ. სიდიანს. Dდაზარალებურად ცნეს და დაიკითხა აგრეთვე გარდაცვლილის მეუღლე თეიმურაზ კაპანაძე, რომელიც კატეგორიულად ამტკიცებს, რომ მისი მეუღლის სიკვდილში მხოლოდ ექიმია დამნაშავე.
ხაშურის საავადმყოფოს მთავარი ექიმი….. ნინო ჯობაძეს კვალიფიციურ ექიმად ასახელებს და გაკვირვებას გამოთქვავს დაშვებული შეცდომის გამო. იგი აცხადებს, რომ ჯობაძე თითქმის 5 წელია აღნიშნულ საავადმყოფოში მუშაობს და მის პროფესიონალიზმში ეჭვი არასდროს შეპარვიათ.
ექიმი ნინო ჯობაძე ამჟამად გადმოყვანილია თბილისში და შეფარდებული აქვს წინასწარი 2 თვიანი პატიმრობა. როგორც მისი ახლობლები აცხადებენ, ამჟამად დაკავებულნი არიან კვალიფიციური ადვოკატის მოძიებით და აუცილებლად მოითხოვენ გირაოს შეფარდებას, თუმცა გირაოს ოდენობას, ჯერჯერობით არ ასახელებენ. ისინი კატეგორიულად არ ეთანხმებიან ექსპერტიზის დასკვნას და კერძო ექსპერტიზის მოწვევასაც აპირებენ.
სამედიცინო საქმიანობის სახელმწიფო რეგულირების სააგენტოს უფროსის, გია თვალავაძის განცხადებით, ეს ფაქტი მისთვის ცნობილია და ასეთ შემთხვევაში ექიმს დაუყონებლივ და სამუდამოდ ერთმევა ლიცენზია. იგი საუბრობს აგრეთვე ასეთი შემთხვევის რაოდენობაზე, არაოფიციალური მონაცემებით, აღნიშნული ბრალდებით წელიწადში დაახლოებით 2-3 ექიმის დაპატიმრება ხდება. ლიცენზია ჩამორთმეული ექიმების რაოდენობის ცხრილი კი ასე გამოიყურება:

წელი ლიცენზიის დროებით შეჩერება ლიცენზიის სამუდამოდ ჩამორთმევა წერილობითი გაფრთხოლების მიცემა
2007 24 1 112
2008 13 0 62
2009 14 0 16

თვალავაძე ამბობს, რომ მათ სააგენტოს, გარდაცვილი პაციენტების ახლობლები ხშირად აკითხავენ უსაფუძვლო ბრალდებებითაც და ექიმის დასჯას მოითხოვენ. “ასეთ შემთხვევები ძალიან ბევრია ჩვენთან სააგენტოში, მაგრამ ყველაზე სამწუხარო ის არის, რომ ხშირად მათი მიზანი არა სიმართლის დადგენა, არამედ ანგარებაა. კონპენსაციის სახით გარკვეული რაოდენობის თანხის მიღების შემდეგ, აღარ ცდილობენ იმის გარკვევას მათი ახლობლის გარდაცვალებაში რა დოზით არის ექიმი დამნაშავე.
A ზემოთ აღნიშნული უწყების ინფორმაციული ანალიტიკური სამსახურის უფროსი ზაზა აბრამიძე კი ზოგადად ქვეყანაში ექიმების არაპროფესიონალიზმის პრობლემაზე საუბრობს და აცხადებს, რომ სამედიცინო უნივერსიტეტის სტუდენტების უმრავლესობა, რომლეთაც ევალებათ რომ რეზიდენტურამდე გაიარონ ერთი პროფესიული გამოცდა, ვერ აბარებენ. აბრამიძეს თქმით, 1990-იანი წლებში საქართველოში გაიხსნა უამრავი კერძო, სამედიცინო ინსტიტუტი, რომლებიც ვერ იძლეოდნენ სათანადო ცოდნას და შესაბამისად აღნიშნული სასწავლებლებლების Dდამთავრებული ექიმების უმრავლესობა პროფესიონალად ვერ ჩამოყალიბლებოდა. აღნიშნული პრობლემიდან გამოსავალს გია თვალავაძე სალიცენზიო გამოცდების კიდევ უფრო გამკაცრებაში ხედავს.


თათია დვალიშვილი

რეპორტაჟი დამსვენებლებისგან დაცლილი დაბა სურამიდან

ხალხმრავალი ქუჩები, ღია კაფეები და გალამაზებული დასასვენებელი სკვერები ერთი წლით ისტორიას ჩაბარდა. ჩვეულებისამებრ, ზაფხულის სეზონის დასრულებისთანავე, სურამი მოსაწყენი და ნაცრისფერი ხდება. თუმცა, წელს განსაკუთრებით ცივი ამინდების გამო, დამსვენებლებმა გაცილებით ადრე დატოვეს დაბა ვიდრე ეს ტრადიციულად ხდება ხოლმე. როგორც ადგილობრივი მოსახლეობა ამბობს, მსგავსი ცივი ზაფხული დიდი ხანია არ ახსოვთ.
განვითარებული ინფრასტრუქტურით სურამი არც საკურორტო სეზონზე გამოირჩევა, მაგრამ დაშლილი საბავშვო ატრაქციონები, დაკეტილი მაღაზიები, გატიტვლებული ხეები, ცარიელი და დანგრეული გზები დადებით ემოიცებს ნამდვილად არ იწვევს. Kკვირეების განმავლობაში მოღრუბლული ცა და ძლიერი წვიმები სურამლებისთვის იმის მანიშნებელია, რომ უნდა მოემზადნონ საკმაოდ მკაცრი ზამთრისთვის. ზოგიერთი საცხოვრებელი სახლის სახურავიდან ე.წ. ,,შეშის ფეჩის” კვამლი უკვე ამოდის. არიან ისეთებიც, რომლებიც შეშის ეკონომიის მიზნით ჯერჯერობით უარს ამბობენ გათბობის საშუალებებზე. ,,მხოლოდ ერთი მანქანა შეშის ყიდვა შევძელით, ამიტომ შეძლებისდაგვარად ეკონომიურად უნდა დავწვათ, თორემ ზამთრის ბოლომდე ნამდვილად არ გვეყოფა, მით უფრო რომ სურამში ზამთარი აპრილის შუა რიცხვებამდე გრძელდება”—განაცხადა ჩვენთან საუბარში ერთი-ერთი ოჯახის უფროსმა, რომელიც საკუთარ ეზოში ჭრიდა შეშას და რომელსაც შეეტყო სახეზე, რომ ჩვენი კითხვებით აშკარად მოვაცდინეთ საქმეს, ამიტომ დროზე დავემშვიდობეთ და წარმატეტებიც ვუსურვეთ.
სურამში არსებობენ ოჯახებიც, რომლებიც თავიანთი ოჯახური პატარა ბიზნესის შესაბამისად, იმედით Eელიან ზამთრის დადგომას. დასავლეთისკენ მიმავალ გზაზე განლაგებული ცნობილი თონეების მეპატრონეები ამბობენ, რომ ზამთარში მათი პროდუქტის რეალიზაცია დაახლოებით 50 პროცენტით იზრდება. როგორც ისინი ამბობენ, ცხელ ნაზუქებს და პურებს მგზავრები ცივ ამინდებში უფრო ეტანებიან.
იმისთვის, ვინც მხოლოდ ზაფხულში სტუმრობს სურამს, საკმაოდ თვალშისაცემი იქნება ხალხის სიხალვათე იმ ადგილას სადაც მინერალური წყალი მოედინება, რომელსაც თავად სურამლები ,,რკინის წყალს” უწოდებენ. როგორც ადგილობრივები ამბობენ, აღნიშნული წყალი დიდი რაოდენობით რკინას და სხვა მინერალებს შეიცავს, რომელიც სასარგებლოა განსაკუთრებით მათთვის, ვისაც კუჭ-ნაწლავის დაავადებები აქვს.
ერთი შეხედვითაც ნათლად ჩანს, რომ კურორტს, რომელიც საკმაოდ მდიდარია ბუნებრივი რესურსებით, სერიოზული მოვლა სჭირდება. თავად სურამლების ერთ-ერთი პრობლემაც სწორედ ეს არის. ,,ჩვენს დაბას პატრონი არ ჰყავს, წლების გამმავლობაში არაფერი გაკეთებულა იმისათვის, რომ ტურისტებისათვის უფრო მიმზიდველი გახდეს, ჩვენთან ჩამოჰყავთ ბრონქების პრობლემებით ბავშვები, რამდენიმე წელი ზედიზედ სიარულის შემდეგ ბავშვები სრულიად ინკურნებიან, თუმცა მათი მშობლები ინფრასტუქტურის არ არსებობს გამო ხშირად უკმაყოფილებას გამოთქვამენ”—განაცხადა ჩვენთან საუბარში პენსიონერმა ქალბატონმა.
თათია დვალიშვილი